Ўзбекистон Республикасида юк ташиш уч турдаги транспорт, яъни темир йўл, автомобиль ва авиация транспорти орқали амалга оширилади.

Темир йўл транспорти орқали юк ташиш қиймати юк тури, унинг ҳажми, уни етказиб бериш муддатлари; “Ўзбекистон темир йўллари” АЖнинг юк ташишни ташкил этиш, муайян юк учун ҳаракатланувчи таркибни (вагонни) бериш ва тайёрлаш бўйича тарифлари; Ўзбекистон Республикаси ҳудудида юк ташиш хизматларига нисбатан белгиланган ставкалар ва чегирмалар (мавжуд бўлганда); бошқа мамлакатлар ҳудудлари бўйлаб транзит юк ташиш ставкалари; алоҳида тоифадаги юкларни транзит ташиш учун чегарадош темир йўллари маъмуриятлари томонидан тақдим этиладиган чегирмалар; суғурта тарифлари, юк сақланишини таъминлаш хизматлари (зарур ҳолларда), юк ташиш мавсуми, транспорт-экспедиторлик ташкилотлари ва компанияларининг хизмат ҳақи ва бошқа омилларга боғлиқ.

Темир йўл транспорти орқали юк ташиш қиймати тўғрисида батафсил маълумот ҳар бир алоҳида ҳолатда “Ўзтемирйўлэкспедиция” УК томонидан тақдим этилади (100060, Тошкент шаҳри, Т.Шевченко кўчаси, 7, тел.: 238 8811; 238 8263; 238 8752; 232 0149; 232 0435, факс: 233 4549).

Автомобиль транспорти орқали юк ташиш қиймати юк тури, унинг ҳажми, уни етказиб бериш муддатлари; Ўзбекистон ва бошқа мамлакатлар ҳудуди бўйлаб юк ташиш хизматининг комплекс ставкаси; суғурта тарифлари, юк сақланишини таъминлаш хизматлари (зарур ҳолларда), юк ташиш мавсуми, транспорт-экспедиторлик компаниясининг хизмат ҳақи ва бошқа омилларга боғлиқ.

Автомобиль транспорти орқали юк ташиш қиймати тўғрисида батафсил маълумот ҳар бир алоҳида ҳолатда “Ўрта Осиё Транс” АЖ томонидан тақдим этилади (100160, Тошкент шаҳри, Қумариқ мавзеси, Сайфи Олимов кўчаси, 24, тел.: +(99871) 215 9942, 215 9967, 215 9968, факс: +(99871) 215 9667, e-mail: info@catrans.uz).

Авиация транспорти орқали юк ташиш қиймати юк тури ва хусусияти, унинг ҳажми, габаритлари, уни етказиб бериш муддатлари; “Ўзбекистон ҳаво йўллари” МАК ва бошқа авиакомпанияларнинг юк ташишни ташкил этиш бўйича тарифлари; юк ташишнинг комплекс ставкалари; аэропорт йиғимлари, суғурта тарифлари ва бошқа омилларга боғлиқ.

Авиация транспорти орқали юк ташиш қиймати тўғрисида батафсил маълумот ҳар бир алоҳида ҳолатда “Ўзбекистон ҳаво йўллари” МАК Тижорат департаменти Юк ташиш бошқармаси томонидан тақдим этилади (Тошкент шаҳри, Ойбек кўчаси, 38-Б, тел.: (+99871) 140 2092,140 2095, e-mail: сargo@uzairways.com).

Белгиланган матнни тинглаш учун қуйидаги тугмани босинг Powered by GSpeech